Bai euskarari...

I.B.

 1

 Nigar xorta begitik iheska joatean

 Mesprexuz ezarria infernu atean

 Euskarak dio auhen etsitu batean

 «Ez naiz oraino hilko nere izatean!»

 2

 Gogorki dagolarik Hitzaren zurkaitza

 Euskaldun alorrak daut eskaini emaitza

 Mintzaira berezia ontasuna gaitza;

 Euskerazara sapa naizelarik haitza...

 3

 Zazpi abarrekilan arbola zen sortu

 Mende kirets honetsan behar du legortu?

 Nere mental bizia dator basamortu

 Ahoko iturria bazerait agortu...

 4

 Harpetako harriak igorriz abotsa

 Heldu derauku minez Euskararen otsa

 Daramagun bizitzan nor daukagu hotza

 Ala da euskalduna izateaz lotsa?

 5

 Keinka tzarrean gaude bi partetik orain

 Ez ito nahia naiz zaudeno nere zain;

 Duzu hartu erdara Euskararen ordain

 Onharturik otsoa zinelarik artzain...

 6

 Euskotarren gogoa bihurtuz idorra

 Bere haurriden kontra derama zigorra;

 Bat ondatzean dago bestea elkorra

 Gure herrian ari da garai gogorra!

 7

 Goiz argi batekilan ezin sinetsie

 Su bazterrean ama zagola etsia

 Ez dut atzeman etxen atea hetsia

 Berriro esperantza zuen baietsia...

 8

 Lurraren zauritikan bazetorren botza

 Zuzen arkaiz artetik garbi eta hotza

 «Euskara nahi dut ta bai ere bihotza

 Nehoiz semea izan ez dadin arrotza!»

 9

 Nortasuna eraikiz ekaia finkatuz

 Joan gaiten Herrinan gora oihukatuz

 «Erran BAI EUSKARAR! erdara ukatuz

 Borrokan, segi berme eskuak tinkatuz!»