|
Oraindik ibillian
Errandonea
Aldapan goruntz ba-noa.
Zomorro hilkorra
giltxurdiņetatik barna
zizta ta zizta.
Oiņazpian daukat izotza,
aurrez elorria,
arresiz josia.
Orra historia!
Arnasa zaida ittoko,
ni zurekin hilko.
Oi pozoi, zapu potzuko!
Laxter or zerraldo.
Ozpiņaren mahatsondo,
etsipenen zumo,
nauzu kordegabetuko
egin-geroz trago.
Adarraren puntan bakia.
Bizitza bat bertan
aizearekin dantzan.
Aurtzaroko malkoen txirla;
gaztearen txorabio garra,
maitearen musa,
zaharraren illobia,
erioaren azken-gurenda.
Ezinean ezin,
naizanaren erpin!
Indarrak muxin.
Zertarako egin
nik bost alegin?
Eziņean ezin,
naizanaren erpin!
|
