Diktadoreen azken nejaragarria...

Iturralde, Joxe Mari

 Telebista bidez jakin nuan

 Somoza «jauna» hil zutela,

 aibiste horrek neri malkorik

 ez zidan atera.

 pentsatzen det juango zela

 besteei lagun egitera,

 han alkartuko da «Sha»ta Macias

 hiru «jauntxoak» batera

 Ez nuke eman nahi gaurkoz

 beste askoren izenik,

 azken urtetan zori txarrez

 hainbat holako izanik.

 ezin esan heriotz batek

 batere pozten nauenik,

 baiñan ez da ezer galtzen

 hoiek lurretik joanik.

 Somoza honek bere herriari

 ezertxo ez zion opa,

 larru bizirik: goseak hiltzen,

 eta askatasuna uka.

 harri honek jarrai behar du

 baztertu gabe burruka,

 bestela beste Diktadore bat

 sortzeko arriskua daduka.

 Supritzea zer den badaki

 Nicaraguako herriak,

 aurrera ere izango ditu

 oraindik egun larriak.

 bat hil arren jaio litezke

 berriro Diktadoriak,

 jarrai zazute zeren burruka

 sor ez ditezen berriak.

 Hainbat urtean egon ziran

 lotsagarri honen mende,

 asko zituan bere aurka

 eta egin behar alde.

 hauzoko herrietako lagunak

 nonbait zuten gorde,

 ijitoak... toki denetan

 oso alkarturik daude.

 Aberastasun pare gabeak

 ala ere beti gose,

 lur eta diru negurririk gobe

 iñolaz gizona ezin ase,

 zertarako zure erronkak

 arrokeri eta aize?

 zomorroentzat lurperatzeko

 zakur zahar bat bezelaxe.

 Irakurri dedanez omen zinen

 berriz etxeratzeko asmotan,

 baiñan jakin nahi nuke,

 zer zegoen zure gogotan,

 holako gizona ezin aidatu

 ondorengo bi egunetan.

 ondo zaudela aitortu behar

 zauden hilobi horretan.

 «Jauna» topatu dezu azkenik

 zenbiltzana billa,

 baiñan zu hil arren ere

 gelditzen dira milla.

 eska; Jauna gizon hoietaz

 aaztu ez dedilla,

 gizon txarra bizirik baiñan

 obe bai da illa.