Zorionak Martxelin
Itoiz, Pierre
1
Urte buruak urte guziez bainan zoin arrado ehun
Ainitz sofritu duten jendetan bakarrik baita ezagun
Bildurik hemen familiako adixkide eta lagun
Martxelinekin egun eder hau airoski ospa dezagun.
2
Uztaritzeko herri maitean sortua zira Martxelin
Ezkontzaz aldiz Ezpeletako Xerrenda alderaino jin
Eiherazain bat laguntzat hartuz izan zinduen atsegin
Bainan bizia ilundu zaitzun senarra galtzearekin
3
Bi alabaņo bazinituen, zu alarguntsa gaztea
Ez zen hain segur gauza erretxa bizia irabaztea
Lana beharrez ostatuetan joiten zinuen atea
Ohorekilan egin nahian zure bi haurren haztea
4
Ostatuetan zerbitzuan ta gero etxeko lanetan
Hiru behien artatzen edo baratzeko alorretan
Baratzekari horiek gero zuk saltzen merkatuetan
Zer eltzekari onak jan diren zuri esker bazterretan
5
Jainko Jaunari eskaint ditzagun zure lanak, zure penak
Ohoragarri, etsenplu bide guretzat baitira denak
Gaur bezain ongi aurki zaitzala ehun eta bat garenak
Ta anartean hartu Martxelin zorionik beroenak.
