Ene kaiolan bi xori
Ithurralde
1
Ene kaiolan bi xori.
Biak betan kantuz ari...
2
Kaiola guziek bi xori
Ez baditutzu aditzen elkorra zaude orori
Bi xori kaiolan egoki:
Ez baditutzu ikusten, itsua zira osoki.
3
Bata herbail, bertzea on.
Gizona baitan bi gizon.
4
Kaiola guziek xori bat,
Lurreko parabisuaz nigarretan orroitua...
Kaiola guziek bertze bat
Aingeru-kantu ederrez arrunt gogoetatua...
5
Bi xori, beraz bi amets:
Bihi-amets, zeru-amets...
6
Kaiola guziek xori bat
Iguzkiari huxtuka, egun berria sor dadin;
Kaiola guziek bertze bat
Ilargiari huxtuka, gau, beltz egarriarekin...
7
Bi xoriek beren deia:
Bizi, ala hil-nahia...
8
Kaiola guziek xori bat
Anaiaren adixkide izan nahi litekena:
Kaiola guziek bertze bat
Bere anaiaz halaber etsimendutan dagona...
9
Kaiolan edozoin xorik
Ez egon nahi bakarrik...
10
Kaiolan guziek bi xori
Biak ihes joan nahiak beren presondegiari.
Gizon guziek bi gizon
Biak elgarrekin eta bat bertzea gabe ez on...
11
Ene kaiolan bi xori,
Jainkoa beha bieri...