Pertsu zonbait nahi tut eman guzieri
Irisartar batek
1
Pertsu zonbait nahi tut eman guzieri,
Eta partikulazki jende gazteari,
Amerika huntarat jingo duteneri,
Hemen zer pasatzen den errango tut hitz bi.
2
Gazte bat jin berria, dena flakezia,
Bihotza ilhun eta bustirik begia:
Alainan bakartasun hau zaio dorpia;
Bere herritik urrun hemen da galdia.
3
Ni ere hala nintzen. bai lehenbizian
Deusik ezin konpreni mintzair anglesian;
Ardi multzo batekin bakartasunian,
Ama gogoan eta nigarra begian.
4
Gerochot jarri nintzen, oi, baindn emeki!
Artzain lagunek ere ninduten urriki,
Arrallerian eta mintzatuz eztiki:
Bakarrik ez nintzela, bainan... ardieki!
5
Nik ez ditut lagunak adin berekoak;
Ni sortu aitzinekotz hemen plantatuak;
Hiru español dira, oi, aberastuak,
Etcherat ezin sartuz hemen laketuak!
6
Holako hainitz bada Amerika huntan:
Sosa egiten dute, bazkalekuetan;
Bainan sei ilabethe hemen emanikan
Herrirat badoatzi «tres dias» holetan!
7
«Tres dias» erran-eta, hogoi, egun hartu,
Ostatu, neska frango baitute kurritu.
Bainan moltsa gaichoa gero da pleinitu:
Berriz larre-alderat behorko partitu!
8
Gaztea plazer gose toki guzietan;
Bainan plazerrak ez du dirurik askotan.
Hemen ere, gaztea, zerbait biltzekotan,
Zoaz hiritik urrun artzain, mendietan!
9
Jauna barka zudazu (nik zaitut othoizten!)
Igandetan ez badut mezarik entzuten.
Othoitzer naiz bederen bethi jarraikitzen:
Othoi lagon nezazu zure ez ahanzten.
10
Gauza baliosena fedea dut deitzen
Eskualdunek baitugu azkar atchikitzen.
Jainko maitea, zure baitan dut sinesten,
Hiltzera noalarik nitaz orhoit zaiten.