Bedatsa edo Primadera
Irigoin, Petti
1
Mend! bizkar bateko mendiska batean
Auzo hurbilik gabe bizi naiz bakean
Baratze eder bat dut athe aitzinean
Landa, phentze, mahasti guziak menean
Atsegin dut bedatsa etorri denean.
2
Anhitz ederrik dago mahasti maitea
Loreak iraganik mulkhoez bethea
Intzaur eta gerezi, mertchika gaztea
Sagar, udare, piko denen ikhustea
Atsegin da hoin ongi hazirik urthea
3
Etchola gibeleko phentze zorhitua
Izarren iduriko lorez beztitua
Usain gocho batekin nago zoratua
Kalla erditik oihuz pozez gainditua
Ikhusirik ogia laster burutua.
4
Paucha lili gorri ongi egilea
Hartan da alhatzen maizenik erlea
Phentzean hasi arte belhar epheilea
Nekhatzaileak hori du laguntzailea
Bere kabala maiteen gose khentzailea
5
Etcholako athetik so nago ardura
Ene baratzeari oi! bainan gostura
Ongi gochoki heldu eltzekari hura
Urthe haste on baten badugu mentura
Aurthen ere bedatsaz enaiz arrengura.
6
Bedatsak hasten dauku eguna luzatzen
Ipharretik iguzki ederra itzultzen
Errakatik igelak kantuz abiatzen
Goiz-arats karrankatik ez dira ichiltzen
Atseginekin nago horien aditzen.
7
Ur chirripa chohotik chocho arra khantuz
Choriak itzalpetik atseginak hartuz
Kafia egiteko takiak bilhatuz
Sasi argal guziak bedatsak hostatuz
Umeak hasten dituzte holache gordetuz.
8
Ez da ez etcholatik anhitz urrunago
Kukua oihuz ari ongi pozez dago
Biligarroak ere oro zoin gorago
Argi urratze oroz zoraturik nago
Ai bedatsa! Guzien Amatako bego.
9
Sahetsaren lorea jali bezen laster
Indar bera ordutik emaiten du bester
Gaztena zahar ala haitz landare gazter
Oro hostatu dira bedatsari esker
Zelhai mendi guziak orai dira eder.
10
Horma elhur borthitzak eginik neguan
Auhenik baizik etzen gizonen ahuan
Horra nun atsegina ororen buruan
Bedatsa etorri den bai behar orduan
Urthearen gakhoa hori da munduan.