Adixkidea zinela
Aire, Mixel (Xalbador [II])
1
Adixkidea zinela eman dautagu frangotan hitza
Nik bainuen bai zure aldean aberatsagoen antza
Gaur aberastu zira zuhaur ta orai zuk norat balantza
Ez daukazu nai behatu ere nitan zuk zer konfidantza
Nere laguntza nai zinueno zen zure adixkidantza
2
Nere aldea inguraturik zinion ginela anai
Ni ere garai batez zurekin erabiltzen nintzan alai
Aberastuta bertze alderat so egiten duzu orai
Zu bezalako adixkideak bertzetan baditazke bai
Bainan holako adixkiderk nik gehiago ez dut nai
3
Adixkidantza, zurean dut nik sinetsi ene kaltetan
Adixkidea agertzen zinen ardura zure hitzetan
Gaur dezakezu ta etsai zira agertzen zure obretan
Nik adixkide aski badut ta nahiz biziko neketan
Adiskideak maiteak dauzkat nihaur iduri pobretan