Aments ederra
Irigaray, Rene
1
Soidadoak amentsa herriari buruz
Gogoan dauka-eta ez dezake ikuz!
Zuri pentsatu-eta, trichte egun oroz,
Zurea nago bethi gogo eta bihotz.
2
Hortaz orai duela hamar ilabethe
Armadarat jiteaz galdatu bainaute,
Zonbait nigar baditut eginik nik ere:
Killa urrun da eta ez jakin noiz arte.
3
Aitamak kitatzean oi neure nigarrak!
Geroztik ttipi dire biziko plazerak!
Baditut lagun onak, nagusi idorrak,
Bihotz-min asko badu gu bezala denak.
4
Herrian utzi ditut nere lagun onak,
Orai gehientsuak soldado direnak.
Trichteziaz betherik oraiko egunak,
Etcheari pentsatuz doatzi orenak.
5
Eskual-herria, hitaz duk ene amentsa,
Gozoena haizela, aitamak utz-eta:
Herrian utzi diat maite bat pullita
Gau egun oroz hari nago pentsaketa.
6
Maitea, egon zaite en'aingeru ona:
Zuretzat baitut bethi aments hoberena.
Bi urthe huntan maite dutan izar ona
Zu lagun gure beha dago, Jainko Jauna!
7
Hamar bat ilabethe Frantzian pasatu:
Hortaz Jaunari daizkot eskerrak bihurtu!
Geroztik asko gauza baitut irakurtu,
Bizia zoin triste den ni ere ohartu.
8
Ene lagunak ere aipatu beharrez,
Zonbait utzi baititut joaiten nigarrez,
Elgar kusiren dugu egun eder batez,
Killa jiten denean, kantuz bihotz onez...
9
Kantu trichte hau huntan dautzuet finitzen,
Aments gocho batek bainaiz atheratzen:
Ametsak zorionez bihotza bethetzen;
Histen delarik aldiz gizona kiresten...
10
Aita-amen alderat noiz naiz itzuliko?
Eskual-herri ederra noiz dut ikusiko?
Eguna ethor bedi hemendik joaiteko
Algeria egin-ta kilia izaiteko.