Senperen
Irigarai Goizueta, Pablo Fermin (Larreko)
1
Herri bat maitagarria Lapurdin Senpere
Jainkoaren graziaz naiz hor sortu ni ere
Pertsulariak baziren, oraino zonbait bagare
Kantatzeko duguno balore.
2
Senperek xahar-ta haundi du ixtorioa
Gure jauregiko jaunen minixterioa
Erreboluzioneko nausien mixterioa
Baldarnapez-en gobernioa.
3
Senpertar ttikia ongi egon da esklabo
Norbait haundi izaiten zen denen manatzeko
Jendek guti jakinago, nausientzat hobeago
Mende hori naski da akabo.
4
Auzi-ta jauzika zuten egin urmaela
Lur frango saltzen zutela urririk bezala
Arrotza frango sartu zen denek laketzen zutela
Lazten zaiku zainetan odola.
5
Gaur, deus lanbide herrian ezin da eskura.
Gaztek nai dute herrian zerbait lan mentura
Bai, orduan lezakete egin gauze bat segura
Sort-herrian bizia burura...