Senpereko karrikan

Irigarai Goizueta, Pablo Fermin

 1

 Senpereko karrikan aberastasunak

 Bai gure arbasoek utzi dauzkutenak

 Erdi-Erdian dire etxe pullitenak

 Gizonek gosturekin artatzen tuztenak.

 2

 Jaun Erretor-enean egin dire lanak

 Etxe xaharra berri azpi eta gainak

 Ofizialek tuzte frogak hor emanak

 Segur hartze dituzte denen goresmenak.

 3

 Orai da akabantza obra horientza

 Bazuten egiteko !an handi bortitza

 Beti lanean zuzten gogo-ta bihotza

 Behar baitzen egoitza jeun Ertorarentza.

 4

 Etxe bat egin dute eder-ta panpina

 Aintzin-paretan badu zerbeit eskas dena

 Beti bazen xilo bat norbeitek egina

 Hortik guri zagola so Ama Birjina.

 5

 Mundu huntan ez da deus betikotz eginik

 Zerbeit hautsia bada galdegin lehenik

 Ezin ditaken izan ez horren ordanik

 Xiloa tapatzeko ez zen arrazoinik.

 6

 Euskal-Herrian gare ohartzen ardura

 Herrietan bi etxe seinalekin dira

 Herriko-Etxean da Frantses bandera

 Erretor etxeetan Sainduen itxura.