Senpereko eskolan: Senpere
Irigarai Goizueta, Pablo Fermin (Larreko)
1
Ibili gare eskolan
Saint-Bois-ta Donetxekilan
Ginauzkatela ikaran
Trebe etxeko mintzairan
Gu ezin heziz erdaran
Segur bazuten aski lan.
2
Ginituzten erakutsi
Nola irakur, idatzi
Frantses hizkuntzaz, zenbaki
Ixtorio, geografi
Haurrean dena ikasi
Nihoiz ezin da ahantzi.
3
Erdaraz behar mintzatu
Euskara baitzen debeku
Ziri bat zuten moldatu
Eta "l'anti-basque" deitu
Horrekin eskolan sartu
Galtzen ziren zonbeit pontu.
4
Aritzen ginen josteta
Zer sasoin zen, bazen hauta
Lasterka, gerlan, attenka
Kaņikak eta pilota
Egun butez zen pullita
Saint-Bois-ta Donetx jauzika.
5
Sariak ziren denentzat
Ikasle on-ta txarrentzat
Medail, saindu-ta billetak
Besta-Berri-ta urtatsak
Ortzegun eta bakantzak
Ta udan errekonpentsak.
6
Jaun-ertora billetekin
Hilabetero zaukun jin
Denek billet banarekin
Han behar ginuen jakin
Gure itzal, dohainekin
Nork zertsu lan men egin.
7
Gaur berroit-hamabortz urte
Ginen haurtxo lerden, gazte
Denak lagun, elgar maite
Argazkian hortxet tente
Nor eta zoin garen ote?
Orroitzen da Ixtilarte.
