Neskatchez zerbeit bat
Irigarai Goizueta, Pablo Fermin (Larreko)
1
Aire chahar batean zombeit bertsu berri,
Egun nik Semperetik nahi-tut ezarri.
Neskatcha frango zauzkit erranez ethorri:
«Pampilli-ren bertsuak, tugu irakurri;
Gure aphain moldeak zaizko irringarri.»
2
«Oi neskatcha maiteak, deskantsa zaitezte;
Pampilli Sempertarra ez da muthil gazte.
Baionan bizi dela badu hainitz urthe;
Han ikusi dituzke zombeit neska traste.
Denak eman zaituzte heiekin nahaste.»
3
Orai bortchatua da neskatcha juaiterat
Soldat irabazteko hiri hoietarat.
Han modan aphaintzen da, oi bere gosturat!
Zuzen da ager dadin plantan neskatcha bat,
Senhar-gai bat dakion ethor galdatzerat...
4
Zombeiten takoin hertchi eta tinteriak.
Ez detzazke goretsi ez bertsulariak.
Gutti izaiten dire enuchentegiak.
Baitakite hautatzen, hartzen negurriak;
Gure neskatchak dire estimagarriak.
5
Urruneko hirian ikusi dudana:
Eskuaraz aise mintzo neska eskualduna.
Hemengoen minizatra da erdi ilhuna;
Bethi dute mihian hizkuntz erdalduna.
Eskuara baserrian ez doha ainizina!
6
Pampilli-ta nik ere baditugu tatchak.
Denak kentzen balauzku Jaunaren Bildotchak!
Biziko lagun bana badugu bakotchak;
Orhoit gaiten hek ere zirela neskatchak.
Denentzat othe ziren: perfet-ta artechak.
7
Azken hitza zueri, mutiko maiteak.
Ez debaldetan pasa gazteko urtheak.
Egin zatzue ongi zuen hautatzeak.
Ez sobra uzkur egon, iduri trasteak.
Hauta zuen andreak: prestu-ta gazteak!...