Matxin zenaz
Zubiria, Jean Pierre (Panpilli)
1
Bihotzez agur jaun ta andreak, deneri ongi etorri
Atxikimendu ta estimuak zaituzte hunat ekarri
Egun Senperen gertatzen zaiku zerbait dena aipagarri
Omenaldi bat ospatzen dugu denak juntatuz elgarri.
2
Entzun ditake bardin erraiten: «bertsularitza da fini»
Norbaiten lanak eman du hatsa gaurko egun eder huni
Kultur etxeak ta bi elkartek nahi diogu eskaini
Omenaldi bat paregabea herritar seme Matximi.
3
Matxin sortzean aitamek zuten deitu Mattin Irabola
Oren bat ere ez du iragan horrek zapatzen eskola
Gogoan ongi hartzen zituen prediku ta epixtola
Pertsutan zuen arrazoinatzen eskoladunek bezala.
4
Hameka urte egin beharrak nintuen Matxin juaitean
Bai orroitzen naiz pertsutan ari entzunik gure etxean
Bertzaldi batez entzun ginuen Ganixekin Ehaltzean
Irri karkailaz lehertzen ginen hoik pertsua finitzean.
5
Matxinek zuen Jainkoa ganik dohain talendu haundia
Bertsu kantatzen baliatu du kurrituz Euskal Herria
Boza bat zuen mena eta beti arrazoin garbia
Senperek galdu bertsularia haundi ta goresgarria.
6
Berroitameka une baditu galtzen ginuela Matxin
Min gaixto batek ereman zuen zilo bat zuela egin
Lur huntan Matxin dohatsu bat zen Jaunak hartu du berekin
Haren lorian kantuz hartzeko zeruan aingeruekin.