inprimatu
Izan gare Amikuzen
Izenburua:
Izan gare Amikuzen
Sinadura:
Irigarai Goizueta, Pablo Fermin (Larreko)
Urkizaren iruzkina:
Egilea(k):
Irigarai, Pedro Fermin

Argitalpena:
Herria.
Urtea:
1988
Argitalpenaren urtea:
Alea:
1981.zk.
Orrialdea:
6

Izan gare Amikuzen

 

Irigarai Goizueta, Pablo Fermin (Larreko)

 

 1

 

 Izan gare Amikuzen

 Gauza frangoren ikusten

 Iduzki bat ederra zen

 Alegeratzen gintuen

 San Inazio bain xuxen

 Zaldi feria Garruzen.

 

 2

 

 Domintxineko aintzira

 Urpean hogoi ektara

 Mila golde bira bira

 Arto hazitako dira

 Landek ura hortik tira

 Sal bihia "Lur Berri"ra.

 

 3

 

 Aintzirako partedunak

 Lurrean trebe direnak

 Behar den umitasunak

 Dakartz'arto uzta onak

 Hor egin dituzten lanak

 Hartze ditu goresmenak.

 

 4

 

 Eguerdi zaukun zalu jin

 Iragaitean Gabadin

 Anjelus joiten: tin, tan, tin

 Zeinuak ozen eta fin

 Lehen, ezkila horrekin

 Arrotzek lo ezin egin.

 

 5

 

 Garruzen, haitzen azpian

 Hainitz jende zen ferian

 Itzaldi zabal guzian

 Zaldi, behor ausarkian

 Sal erosleak lorian

 Bakotxa bere aldian.

 

 6

 

 Tratulant biligarroa

 Oi! haren pergarioa

 "Gazte eta ez gaixtoa

 Apala du prezioa."

 Guk ezin sinets astoa

 Zela zaldi kurtsakoa.

 

 7

 

 Saltzailek behatzaileri

 Eskaintzen zuten ihaurri

 Tresna, soineko, janari

 Ogi-arteko, edari

 Bazen ere Etcheverry

 Zintan hartua kantari.

 

 8

 

 Bizi direnek Parisen

 Ez dute denek ulertzen

 Zertako den Haranbeltzen

 Kapera egina xuxen

 Beilariek maiz hor zuten

 Meza saindua entzuten.

 

 9

 

 Izaturik Amikuzen

 Eta ere Oztibarren

 Gauza bati naiz ohartzen

 Hor zoin gure etxen ginen

 Jendea Baxenabarren

 Haurridentzat zoin ona den.


inprimatu