Ihizi solas
Irigarai Goizueta, Pablo Fermin
1
Gure Jainkoak ezarri
Euskal-herrian Lapurdi
Jende-ta ihizi toki.
Loriatuak egoki dire segur hainitz ihiztari.
Beha idekitzeari
Atxemateko ihizi
Aurten baitago zernahi.
2
Aurten badago ihizi
Baserritarrak badaki
Hazten baititu uruski.
Xoko guzitan bada milaka: xoxo, artxipote, xori.
Bada lapin eta erbi.
Ihiztatzerat etorri
Senperen bade ihaurri.
3
Bai Senperen oihanak
Aspaldi baditu famak
Ihiziko toki onak.
Atxemateko: ttorttoil, basoilar, pekada eta fezanak
Hor ihizin dabilanak
zen detzazke orenak
Deusik ezin atxemanak.
4
Hartzen-tuztela bakantzak
Laxatzen-tuzte ahuntzak
Hazi detzan laborantzak.
Landa, baratze, mahastietan eiten-tuzte makur gaitzak
Baituztela segurantzak
Makurdunen esperantzak
Ez ditu ontzen agintzak.
5
Ihiztariak gogoa
Dauka paregabekoa
Atxeman nahiz usoa.
Goizean goizik, denak ahantziz tantaia goiti badoa
Pasatuz egun osoa
Delarik aize gaixtoa
Deus gabe etxerat doa.