Gure jaun erretor Borotra
Irigarai Goizueta, Pablo Fermin (Larreko)
1
Hemeretzi ehun-ta laroi bederatzi
Jaun erretor Borotrak denak gaitu utzi
Hirogoi une hurbil Senperen da bizi
Arima saindu hori dugun ez ahantzi.
2
Mundurat etorri zen Arbona herrian
Aita-ama langile batzuen artean
Jaunaren deia zuen goiz entzun haurrean
Apezteko sartu zen eskola batean.
3
Hogoi urte zituen, hor hasi zen gerla
Lau urtez egin zuen lagunek bezala
Egun guziz hainitzek ixuriz odola
Jaunak beiratu zuen: apez behar zela.
4
Eskolak finitu-ta harturik ordena
Donibane Garazin bikari egona
Zeruratzean Barbier jaun erretor zena
Jaun Borotra zaukuten hautatu ordaina.
5
Hemeretzi ehun-ta hogoi-ta hamekan
Xuxen abendoaren hogoi igandean
Senperen egun haundi, eder bat zen izan
Arnaud Borotra jarriz erretor elizan.
6
Sartu zen erretor bat zintzo-ta hazkarra
Ezin negurtua zen horrek zuen karra
Predikari haundia, kantari ederra
Otoitz egile suhar, berdin kofesorra.
7
Arimen gidatzaile emanez argia
Zalu maitatu zuen bere parropia
Amodio, bertute, doi bat larderia
Lan hainitz egiteko izan du grazia.
8
Izan du buru hauste eskola hoiekin
Xaharrak atxik eta berri zonbait egin
Ospakizun ederrak kantaritaldekin
Klika zoin maite zuen denek dute jakin.
9
Berrogoi-ta bat urtez egonik erretor
Jaun apezpikuk dio: "Zu, pausurat etor!"
Karguaren uztera doi bat zagon gogor
Hamazazpi urtez da gurekin egon hor.
10
Ehorzketa ederrak zaizkio eginak
Aurkituz herritar-ta adixkide denak
Horren arima onhar beza Jainko Jaunak
Eta nasai sortaraz holako artzainak.