Gure artzainari ohore

Irigarai Goizueta, Pablo Fermin

 1

 Behar dugu ospatu Senpertarrek besta

 Bi urte-muga betan Jaun Ertorarentza.

 Arraroago denik ez ditake gerta:

 Il (1) hunen hamazazpi eta hoita-bata.

 2

 Il hunen hamazazpi urte-muga hori

 Berroi-ta hamar urte Jaun Erretorari;

 Bere bizia baitu eman Jainkoari

 Eginez apez eta denen zerbitzari.

 3

 Il hunen hoita-batn haundi-ta ederra

 Berrogoi urte ditu jinik Senperera

 Geroztik da Senperen gure Jaun Ertora,

 Parropiako artzain apez bat suharra.

 4

 Il hunen hoita-seian -ta igandekari

 Senperen izanen da besta eder hori.

 Zor diogu ohore gure artzainari

 Jaunak igorria da gu denen gidari.

 5

 Otoi denak zatozte egun eder hortan

 Mezaren etzuterat hamar orenetan

 Denak bilduko gare bai bozkariotan

 Parte hartuz otoitz-ta laudorioetan.

 6

 Meza kantatuko du Jaun Ertorak berak

 Laguntzaile izanez herritar apezak.

 Inharros aldi bat du hartuko elizak

 Lorios daudelarik gu denen bihotzak.

 7

 Parropiako obrez hainitz axola du:

 Musika eta kantu berak gidatzen -tu;

 Gure eskolez ere buru hauste badu

 Xaharrak atxiki-ta berriak eiten-tu.

 8

 Berroi urtez hoinbertze obra egin eta,

 Pausuko hartu gabe nihoiz bi minuta,

 Bai merexitua du ongi erretreta.

 Xahartzea Senperen, urus dezan pasa!

 9

 Ohore-ta goresmen gare Jaun Ertora!

 Agian gutartean zu luzeko zira!

 Jainkoak grazia bat eman dezagula

 Zurekin bizi eta sartzeko zerura.