Gora Urguritarrak

Irigarai Goizueta, Pablo Fermin (Larreko)

 1

 Zaldubi, Utsaletik goaz Urgurira

 Toki xoragarrira: dir, dir, bira bira

 Hor jende gehienak laborari dira

 Aurten batto heldu da sari bat haundira (bis).

 2

 Beren sorro, landetan, mendi gain ta zolan

 Denak hor ari dire beti lan eta lan

 Zalutasuna duten gaurko tresnekilan

 Kabalak dauzkatela gaitzeko arduran (bis).

 3

 Jakitea guretzat bozkariagarri

 Medaila diotela eman Jan-Pierri

 Haizmendian sorturik hor da laborari

 Jainko Jaunak graziak detzola ixuri (bis).

 4

 Lanean dituela bihotz eta gogo

 Gustoz erabili du etxaldea oro

 Lurrarekin borrokan erne eta zintzo

 Goresmen, laudorio segur zor zaizkio (bis).

 5

 Urgurin loa arin, lanean goiz hasi

 Trebe dire kabala onak nola hazi

 Medailarentzat dute hortik bat berexi

 Bertze andanak bardin bana du merexi (bis).