Gora pilota eta Laduche plekaria
Irigarai Goizueta, Pablo Fermin (Larreko)
1
Gure Pilota, joko ederraz
noha kantatzen hastera.
Nark daki chuchen, gure arthera
nork othe zuen athera?
Joko guzitan chaharrena da,
dugun bihoizez ohora:
Pilotariak zainetan baitu
hazkar Eskualdun odola...
2
Bai lakhet zauku maiz ikustea
gazteak hari pilotan.
Badute indar, zalutasuna;
bezti soineko churitan.
Lorian gaude, zombat plekari
dugun oraiko gaztetan.
Pilotariak izan ditazke
nasai ondoko urthetan...
3
Dohain haundiko pilotaria
Azkainen: Laduche Josepe.
Plaza libroan nola Trinketan
da pilotaren errege.
Badu talendu miresgarri bat,
zer eiten ahal ez luke?
Eskualdun orok gaur zor diogu
bai agur eta ohore...
4
Laduchek ditu hartze ohore
baita eta ere goresmen.
Achola baitu gazteak pleka
harituz treba ditezen.
Trinket berri bat orai egin du
herri erdian Azkainen.
Gazten parthetik, arrakasta bat
gaitza segur du izanen.
5
Ez du irrisku galtzerat dohan
Azkain herrian Pilota.
Zombait plazaren ondotik horra
chutik: Ramuntcho Trinketa.
Laduchez kampo, pilotaria
dotzenatsu bat hor baita.
Trinketik gabe, horiek denak
plaza librotan nun josta?
6
Aiphagarri da bertzen arthetik,
Laphurdin Azkain chokoa.
Beherean du: Urchuri eta
gainean: Larrun kaskoa.
Plekari hoien sort herria da:
parabisu bat gochoa.
Pena litake hor ezin balitz
kausi zorion osoa...