Elurra

Irigarai Goizueta, Pablo Femrin (Larreko)

 1

 Hemeretzi mende

 Laur hogoi-ta bortza

 Hasi da eginez

 Urtarril bortitza

 Berrikitan zen euri

 Barazuz, izotza

 Hasi zaizku hormak

 Elur alde gaitza

 Dardaratzen dauku

 Deneri gorputza

 2

 Eder, elur xuri

 Menditan ageri

 Jenden xoragarri

 Bardin jostagarri

 Igan ondoan goiti

 Ainitz lerrakari

 Zirriztan doatzi

 Xoria iduri

 Jokatuz zoin nausi

 Frango jokolari

 3

 Elur egitean

 Gu denen atean

 Kanpoan ezin da

 Aritu lanean

 Oinez baizikan ezin

 Kurritu bidean

 Urik ez etxean

 Kabalak barnean

 Gu zorionean

 Urtzen zaikunean