Auch-eko itzulia
Irigarai Goizueta, Pablo Fermin (Larreko)
1
Aurtengo Otsailaren hamazazpian
Laborariak gare izan Auch hirian.
Gauzak merke saltzen-ta kolera gorrian
Manifeztatu gare han hiri guzian.
2
Hogoi mila baginen denak laborari
Errenkurekin joanak hango prefetari.
Harek hel-araz detzon jaun minixtroari
Elgar adi ditaken han zen han ageri.
3
Gobernuko jauneri egin dugu galde:
Kargutan zaizte eta joka gure alde.
Esnearen prezioa altxa goiti alde,
Eskutan dutzueno kargu-ta Parise.
4
Ez ginuen gurekin gure lagun Xintxo.
Tronpatu da Auch zela Paristik urruntxo
Ez badugu izaiten galdatua oso
Guziak joanen gare Parisat geroxo.
5
Presentatzen zauzkigu bai aintzindaritza
Zoin geiagoka ariz, zoin hobeki mintza.
Aintzinean badute zernahi agintza
Gero da gero beltza, ezin atxik hitza!
6
Nanetek galdu zuen han Auchen fularra.
Iratzarririk ere goizik Urruņarra.
Guk bidean jan dugu etxeko oilarra.
Batek truntxoa eta bertzeak ixterra.
7
Laborariek dugun denek elgar aitu.
Zindikatian jartzeko ez uzkur gelditu;
Eskutan duguna-re nai daukute kendu.
Zindikatak nahi-tu gur-intresak zaindu.