Ahetzen kaillardoinea

Irigarai Goizueta, Pablo Fermin (Larreko)

 1

 Larretarik behiak zauzkun eskapatzen

 Atxemaiten gintuen sorrotan Ahetzen

 Ibarrundik Ahetze auzo da egiten

 Gure andana behin Kaillardoinean zen.

 2

 Etxe hoi ikustean begirat nigarra

 Jautsi zautan izanik inpresio txarra

 Mattinen arbasoen egoitza zaharra

 Azken egunetan zen erori beharra.

 3

 Mattinek ere zuen trixterik bihotza

 Pertsu batzu kantatu Kaillardoinarentza

 Parabisu goxoa Aitaxoin egoitza

 Denen bil-toki zuten familiarentza.

 4

 Haroztegin alabak egin du ezkontza

 Ibarrungo gazte bat harturik senartza

 Kaillardoineko lurra zagon horientza

 Han altxatua dute biziko egoitza.

 5

 Etxerat sartu ziren egin bezain sarri

 Egun guziz joanez nor bore lanari

 Zorionean ziren egun batez jarri

 Semea esperantza, bi nexka etorri.

 6

 Otoitz bat egiten dut egun San Martini.

 Ixur detzan graziak familia huni

 Osasun-ta zorion Agnès-ta Celini

 Jaun Goikoaren ganik dezoten eskaini.