Larrungo menditik

Iriarte Bankakoa

 Hemeretzi mende ta erdi du jadanik

 Jesu Kristo lurretik zerurat iganik:

 Pertsu herriak aurthen kantatzen ditut nik,

 Eskual-herri naitean gogoak emanik.

 Aspaldian gogoan bainuen desira,

 Larrun mendi gainerat aurthen izan gira:

 Choraturikanegon handikan begira:

 Eskual-Herrian toki ederrak baitira.

 Ageri da Nabarra eta Gipuzkoa:

 Urbilena Lapurdi pare gabekoa;

 Gero Bachanabarre eta Ziberoa...

 Urrunak gordetzen du gaineratekoa!

 Itsaso distiranta eder bezain handi,

 Handik landa zelaiak, ibai eta mendi,

 Aitasoek utziak guretzat aspaldi:

 Bozkariatu gabe ez ditaike geldi.

 Barreneko zelaia zer herri-aldeak,

 Landa gizenak eta zer soro berdeak,

 Ainitz koloretako lorekin gordeak...

 Zoin urus bizi diren eskualdun jendeak!

 Ainitz gaztelu eta zer nahi jauregi,

 Ageri da hemendik eder eta argi:

 Mendi baten gainean horra «Achkolegi»

 Udan gocho da, bainan neguan goregi!

 Itsasoan chalupak dabiltza arraintzan;

 Ainitz gizon lurrean ari laborantzan...

 Mendietan artzainak gau-egun artzaintzan:

 Horra Eskual-herrian zer gisan gabiltza!

 Pertsu hok eman ditut Lapurdi maitean,

 Larrungo gainean den Hotel-gno batean

 Berriz ethorriko naiz lagunen artean.

 Jainkoak nahi badu heldu den urthean.

 Grazia eske nago Ama Birjinari:

 «Jar zaite zerutikan ororen gidar!

 Zabal zazu fedea Eskual-herriari!

 Emaguzu bakea mundu guziari!»