Oraiko Eskualdunak
Iratzoquy, Bettiri
I
Erranen arabera, bi mil urthe ditu
Eskualdunek lur on hau zutela beretu.
Bainan mende hunek du ikusten Eskuara
Bereziki gaztetan gan dela behera!
II
Zalduby kantariak bi phertsuz erran du
Ez dezagun segurki burua aphaldu:
-«Ez bahaiz, Eskualduna, lehen bezein haundi,
Aphaldu gabe chutik bederen egoadi»...
III
Eskual-Herriko fama ez da ttipitua:
Bere haurren ganik da berdin maitatua...
Bainan halere ez da lehen bezein garbi,
Eskualdunek ez dute aditu Zalduby...
VI
Hainitz Rochali bada gure nechkatchetan,
Hainitz sobera kaskoin pilotarietan!...
Hitz batez erraiteko, oraingo gaztetan
Guziek uzten dute Eskuara bet-betan!
V
Jaun apheza bera da, prediqu alkitik,
Kridatzalea aldiz Herriko Etchetik
Minzo guri Erdaraz, zaharren erranak
Gutarik direlakotz arras urrun ganak!
VI
Gure kantu chaharrek erraiten daukute
-«Eskualdunen semeak, pilotan har zaizte,
Bainan partikulazki ez ahantz Eskuara,
Atchik Aiten Legeak ahal bezein gora!...»
VII
Horiek egitean gu gira izanen,
Arbasoak iduri, mundu huntan lehen:
Begiratuko dugu Eskualdun odola
Bihotzetik maitatuz, Hek utzi Arbola!...