Nere andrea

Aire, Ferdinand

 1

 Andrea eztut nik hartu

 geroko menturan,

 Neguaz pentsa gabe

 maitatu dut udan;

 Bainan oraintxe jartzen

 ari naiz ni dudan

 Gero ta maiteago

 zergaitik zaitudan.

 2

 Zure egina nauzu

 muina ta hezurra.

 Hola pasako zela

 banuen beldurra:

 Oraino're zurekin

 ni beti gustura,

 Zutan kusi nuena

 ez baitzen gezurra.

 3

 Iguzki egina da

 zu zaren itzala,

 Luzaro elgarrekin

 gaitezke oxala;

 Ikusten dut beti ta

 hobe zohazala,

 Armairu-xokoan dan

 ardoa bezala.