Haurtxo maitea
Aire, Ferdinand
1
Haurtxo maitea oker zabiltza nahi zinduzket zuzendu
Hori eskolan agintariak txar izateak egiten du
Giza gaixoa zure bihotza zertaz nai dute mantendu
Zure zurea dagon gauza bat nahi dizute ekendu.
2
Agindurikan jarri zaituzte zure ahoa hestera
Nongo debruak ekarri gaitu holako trantze trixtera
Erderaz hazi nahi zaituzte alderat utziz euskera
Bizia bezain sakratua da gure Amaren hizkera.
3
Kolejiorat juan artean euskera hutsez hazia
Eta hori da etxe horretan egin dizuten guzia
Bainan haur maite hartu kuraia eta hartu ausartzia
Beraren gatik egun batez zuk galdu ta ere bizia.
