Ixkerraren zamaria
1
Ixkerraren zamaria
Bilo burdintzen hasia:
Zanko-besuak gogor eta bizkarrian zauria,
Bai eta ixtant guziez lurrilat erorlia.
2
Ixkerra, sal zak zaldia,
Balinbaduk eroslia.
Horreki oihanialat juaitia, oi, eztuk ez zuhurtzia:
Belek eta arranuek horreganat die lehia.
3
Ixkerraren zaldi hori
Establian xarmagarri:
Nik ja nahiagoa nikek ardura huñez ebili:
Zaldarez aserik ere batre eztaiteke higi!
4
Ixkerrak beitait prestatu,
Eni harturik dolutu:
Belek eta arranuek bidian naie atakatu;
Jinkuak, daki, nula nizan jaun hetarik eskapatu.
5
Etziok xeha arthorik,
Ahuan ezpeitu armarik:
Harentako ezta jiten Espainiatik olorik:
Ixkerrak, hartuz geroztik eztaki horren berririk.
6
Ixkerra, enaintek trixta,
Zamaraiak balu bixta:
Nura nahi junik ere eror eta itzulika!
Aitzin-gibelez zer kuka! Sal zak fite edo truka!
7
- Eztiat ez nahi saldu,
Ez da ere trukatu!
Ene zaldiak behar dik uda borthian pasatu,
Handik jin datekenian nahi hait untsa trufatu!
8
- Ixkerra, ago ixilik;
Eztuk, eginen trufarik!
Zamariak eztik janen udan borthian belharrik:
Artian eginen die arranuek ase ederrik!
9
Kauter batek Ixkerrari
Eihera-bortan bost irri:
Zamariaren haitatzen gaizki ziala ikasi;
Emaztiari so'gin zerola, hartu zinian hobeki!
10
Ixkerra, othoi, parkatu.
Etzeitzu behar gaitzitu.
Erreña dela medio koblatto hoik ukhen tutzu:
Etxeko berriak oro kanpun salhatzen dereitzu!