"Gure Irratia"ren besta

Aire, Daniel

 1

 Euskal Irrati goxoa

 Kantu hau zuretzat doa

 Ongi merezitakoa

 Zenbat lekutan, ez da gaur egun

 entzuten zure mintzoa

 Argituz gure gogoa

 alaituz euskal giroa

 eta aberri osoa.

 2

 Iduri itsas xoria

 goizean erne hasia

 euri edo iguzkia

 Ezin atzartuz dagonarentzat

 zer laguntzaile eztia

 zure alegrantzia

 ta hizkuntzaren grazia

 Euskaldunaren bizia.

 3

 Goizean sustengatzaile

 Egunaz berri emaile

 Atsean kontsolatzaile

 Zuk, xoraturik loak hartzen tu

 aberats ala eskale

 Nagusi eta langile

 Jakintsun edo ikasle

 Nor ez da zure entzule.

 4

 Urteko lau sasoinetan

 Mendi eta oihanetan

 Euskadiko hegaletan

 Zure lekua begira zazu

 Irratiko uhainetan

 Bakarrik edo penetan

 Alargun ta ilunbetan

 Kontsola diten benetan.

 5

 Lapurditik, Xuberora

 Xuberotik, Naparrora

 Naparrotik, Gipuzkora

 Oi zer etsenplu miresgarria

 lau Irratiak batera

 Mai arreben antzera

 Ez utzi nahiz galtzera

 Herria eta euskara.

 6

 Nola ez dagon oihanik

 Ez mendi eta ibairik

 Iragaiten ez duzunik

 Zure mintzoa pasatzen baita

 muga guzien gainetik

 Ez da behar euskaldunik

 Amodioa duenik

 Entzuten etzaituenik.