Gure Irratia, Euskal Irratia
Aire, Daniel
1
Euskal Irrati goxoa,
Kantu hau zuretzat doa,
Ongi merezitakoa.
Zenbat lekutan, ez da gaur egun, entzuten zure mintzoa.
Argituz gure gogoa,
Alaituz euskal giroa,
Eta aberri osoa.
2
Iduri itsas xoria,
Goizean erne hasia,
Euri edo iguzkia.
Ezin atzartuz dagonarentzat, zer laguntzaile eztia.
Zure alegerantzia,
Ta hizkuntzaren grazia,
Euskaldunaren bizia.
3
Goizean sustengatzaile,
Egunaz berri malle,
Atsean kontsolatzaile.
Zuk, xoraturik loak artzen tu aberats ala eskale.
Nagusi eta langile,
Jakintsun edo ikasle,
Nor ez da zure entzule.
4
Urteko lau sasoinetan,
Mendi eta oihanetan,
Euskadiko hegaletan.
Zure lekua begira zazu Irratiaren ondetan.
Bakarrik edo penetan
Alargun ta ilunbetan
Kontsola diten benetan.
5
Lapurditik Xuberora,
Xuberotik Nafarrora,
Nafarrotik Gipuzkora,
Oi zer etsenplu miresgarria lau Irratiak baiera
Anai arreben antzera,
Ez utzi nahiz galtzera
Herria eta Euskara.
6
Nola ez dagon oihanik
Ez mendi eta ibairik.
Iragaiten ez duzunik
Zure mintzoa pasatzen baita muga guzien gainetik.
Ez da behar Euskaldunik
Amodioa duenik
Entzuten etzaituenik.
|