Inchauspeko alaba
1
Inchauspeko alaba dendaria,
Goizian goizik jostera joaillia
Nigarretan pasatzen du bidia,
Aprendiza kontsolatzailia.
2
Zelaian den izarrik ederrena
Jin balekit argi egitera,
Juan naiteke maitiaren ikustera
Ene phenen hari erraitera.
3
Mundu huntan phenarik gabetarik
Bizitzeko nik eztut perilik;
Maithatu dut ukhanen eztudana,
Horrel beiteret bihotzian phena.
4
Maithatu duzia ukhanen eztuzuna,
Horrek dereizia bihotzian pena?
Maith'ezazu ukhan diokezuna
Eta juanen da zure bihotz mina.
5
Mertchikaren floriaren ederra!
Barnian dizu hechurra gogorra;
Gaztia niz, bai eta loriusa,
Eztut galtzen zure esperantcha.
6
Adios beraz, ene maitia, adios!
Adios dereizut orai sekulakotz;
Ezkunt zite plazer duzunareki,
Eta begira ene arrakuntruti!
7
Zer izanen da zure arrakuntria?
Zer ahal da zure egin ahala?
Zerbait khasu nitan gerthatzen bada
Sujet berri bat zutan izanen da.