Illunabarra
1
Eguzkiya asten da
jetxitzen jetxitzen
dizdizera ederra
zaiola gutxitzen
diamantezko printzak
zaizkanean galtzen
urrezko bola batek
itxura da jartzen
eta geldi-geldi da
itxaspera sartzen.
2
Jiratzen dan denboran
itxaspe aundira
paletako kolore
guztiak an dira,
ain pintura pollitak
goyen jartzen dira,
ustetzen da zeruba
auspez dala jira
ezin asper liteke
berari begira.
3
Zarri beltzez jantzirik
zabalde guzia
txori txikiyen kantik
ez da aitzen iya
izarrez apaintzen da
zerupe garbiya
eta baster denari
emanaz argiya
azaltzen da goi farol
eder illargia.
|