Ilargirat buruz
1
Kozmonotak, bazoazte, bazoazte...
Ilargiak deitzen zaituzte:
Ilargian zer duzue aurki uste?
2
Supazterreko pindar-ilhaunak
ximinatik ihesi...
Zeruan gaindi ilargi alde
gaixoak othe doatzi?
3
Gure ametsak sortu bezala
gogo barnetik itzaltzen:
Usu banago norat doazken
ilargi hortarat baizen.
4
Gure nigarrak xukatzen dira
izanik ere saminak...
Heien lanhoak biltzen dituia
ilargi amatxi onak?
5
Mende luzeak, oren laburrak,
zoin diren laster histuak?
Norat zaizkigu denak erortzen?
Harek dituen hartuak?
6
Ni aldiz beldur hemen galduak
ez dagotzin ilargian:
Uros oraino ez bazirezte
galtzen lanhoen erdian!