Ihizi-solas
1
Hegoa urrietan, urtzoak harrotuz
Burrunban badabila ostoak zafratuz
Ihiztariak aldiz begiak luzatuz
Tira-bidetik urrun hek ezin kausituz.
2
Bas ihizia frango dabil bortuetan
Xumeagoak aldiz ditut gogoetan
Bekaturik ez dela daukat gauza hortan
Karga guti dabilat beti alportxetan!
3
Ihiziko badaukat gaitzeko dohaina
Ast'artean xoxoarentzat hil dut garratoina!
Ez niro ez utziren salbu-ta... lehoina
Ez ust'izan naizela hain eskalapoina.
4
Urtzotan nintzelarik - hau da bada xantza!
Brast! hor ateratzen zaut basurde bat gaitza
Plomu xehez bainuen nik nere kartoxa
Doi-doia egin diot bizkarrean hatza.
5
Tiroa eman-eta ene zorigaitza!
Bufaka partitzen zaut hor ene aketza
Haren lasterkatzeko laburra dut hatsa
Biltzeko hobe nuzken bi arto burutxa.
6
Basa lapinez dugu hemen fornimenta
Xakur bat baderaukat horientzat hauta
Behin lapin txar bat dut seko tiroz bota...
...Gauaz lapintegitik eskapatu-eta...
7
Ez naiz beheretarrak bezala ibiltzen
Ikusi guziari zanpaka tiratzen
Ez naiz ni beti ari aziaren kentzen
Hortako Ian gutti dut ene hilen biltzen.
8
Ihizin nintzelarik erdi irri-solas
Bertsu hok eman ditut hemen nahas-mahas
Gaztetan balinbada eskasik jakintzaz
Ongi balia diten zaharren eskolaz.