Fededuna kantari
1
Kantuaz idekitzen da euskaldunen bihotza
Kantuaz aitortzen ere fedearen egoitza
Euskaraz kanta dezagun igande oroz meza
Zuk, herria, entzun zazu bihotz arimen boza.
2
Kantua eta nigarra bihotzak berekin'tu.
Bizia nigarrik gabe ezin baita pasatu
Nigarrak busti begia, zuk, kantua, xukatu
Gure artean, kantua, Krixto sar-araz azu.
3
Karitate kartsuena gu baitan izan dadin
Pairamenetan denari ekar beza atsegin
Fedeak argitu-eta berriz etsi ez dadin
Dezagun Krixtori kantuz fagorea galdegin.
4
Guziek kanta dezagun bakezko urtxoari
Samurgoak utz ditzagun ta egin bihotz berri
Gogoaz behartsu eta elgarren lagunkari
Munduak ekar dezaigun zorion guzieri.
5
Guk egin azken kantua, oi Kristo Jauna, zuri
Gure aldean zabiltza maitasun eskelari
Har-azu gure bihotza ta betiko atxiki
Juntatuz aingeruekin zeruko kantuari.