Emmaus 1965
H.C.
1
O Jesus, zaude gurekin, gaua gainean dugu!
Nola ezagut munduan uda den ala negu?
Gure biziak nun duke argi eta sosegu?
Bide beltzetan zaurturik gogo-bihotzak maingu...
Zaude eta zain gaitzagu...
2
Mendebal hedoi gorria nola ez zaiku histen,
Ilunbeak hauts-uritan doluz bezala jausten:
Zure hitzek beroturik hain kartsu baiginauzten,
Orai hotzak hartu gaitu, ari gaitu ez-deusten.
Zaude eta zain gaitzagu...
3
Bidetan gabiltza beti konprenitu beharrez
Zer duen zure Elizak mendez-mende nigarrez,
Ondotik duen Debrua garhait ez dezakenez
Zerua haren alde den azkenean bai al'ez
Zaude eta zain gaitzagu...
4
Jauna, seme ahulari barka memento txarra:
Ni ere dudak bildu nau bere sare gaixtora.
Bainan elizan Ostia jin-eta ni baitara,
Ezagutu zaitut, Jesus, zeru-lurren izarra!