Despegida
H., J.-P.
1
Hi hunat berriz ere? Hauxe duk kopeta!
Ehuen egin behar egungo bisita,
Herria etxez-etxe iraulkatu eta,
Ni ez aski izanez, emaztegai-keta!
Bilatu eta aurkitu
Omen duk andre pollita ;
Diru zarbait ere baitu,
Ez otoi nitaz inketa!
2
Uste nian hintzela leial eta zuzen;
Enekin bizitzea huela pentsatzen:
Nik hi maite hintudan, izan eta izen:
Enian asmatuko nolakoa hintzen:
Moltsa gizendu beharrez
Amodio-hiltzalea,
Bai eta urgulu hutsez
Ohore-bilazailea!
3
Hail, hail, gaixo maitea, hire panparekin
Desir dauiat zorion, sosegu, atsegin.
Ahatz egun onetan, gaixtoetan berdin,
Bertze batez hintzela agradatu behin.
Eta utz ni ene gisa
joanarekin ametsetan;
bizi baten alarguntsa,
harendako othoitzetan!