Gose eta egarri ezkontzerakoan

H., J.-M.

 1

 Neskatxa zoro, arin, buru gabekoa,

 Zeren gainean duzu amesten khoroa?

 Ohe bat izan gabe zohaz ezkontzerat:

 Mingarri, denean mahain huts jaterat.

 2

 Zure lagun beharrak gorputz ederra du;

 Basoa erhietan pare nihon ez du;

 Sosik gabe sakolan badabil bestetan:

 Ezkontzak othe du dirurik hazitan?

 3

 Haurrez estali eta hordia egarri,

 Ostatutan bilhatzen barneko sokhorri;

 Haurrak nigarrez eta ama gosez hila,

 Gizonak ematen jakitzat makhila.

 4

 Neskatxa diruz arin, muthila alferra,

 Ezkontzetan izaten mindegi lazkorra:

 Herria dute laster eskailez betheko;

 Haurrekin eskua berek hedatuko!

 5

 Ez dukenak bizia irabaz beretzat,

 Emazte bat har beza etxeko laguntzat;

 Baten orde sei aho izanen hazteko;

 Ezkontza orre da arthoz asetzeko!