Bertsulari batek kantarieri Heletara-ko deia
Ainciart, Leon
1
Hemeretzi ehun-eta hirur hogoiean,
Bertsularien besta maiatza hastean
Molde ederrenean egin da Makean:
Kantariak Heletan maiatz ondarrean.
2
Primaderan choriak goizetik kantari
Maiatzeko loreak Ama Birjinari...
Eskualdun kantariak, berdin choragarri,
0hore egiten du Zeruko Amari.
3
Eskualdunen izarra dela kantaria,
Deliberatua da Heleta herria
Besta bat egiteko guziz berezia:
Eskualdun kantariek dute gomitia:
4
Eskual-herri guziak badu entzutia
Heleta ferientzat dela famatia:
Baigura zolan dauka deneri begia:
Guzientzat errech da horraino jitia.
5
Besta Berri ederra da bethi Heletan
Ohidura chaharra segituz moldetan:
Guziek hartzen dute gostu egun hartan:
Batzarre bera daike kantarien bestan!
6
Eskualde orotarik jinen da kantari;
Gomitu hoberena eiten dut orori.
Denentzat izanen da bai «ongi-ethorri»!
Denbora onarentzat othoitz bat Jaunari...