Donamartiri-tik
Herritar bat
1
Bi bertsuren emaiten nahi nuke hasi
Besta eder bat zinez baitugu ikusi
Ohoreak eginik elizan Jesusi
Oro xuritan bezti denak berdin kusi
Eliza betea zen, etzaunkun itsusi.
2
Meza ondoan ginden trinketerat joan
Kaskarot martxa dantzan baiginen sartu han
Omor onean dugu guk edan eta jan
Oro konda baginen ehun bat nunbeit han
Denen xuxen kondatzen bazela segur lan.
3
Bazkal-denboran bazen bertsu eta haro
Zeren baiginituen guk bapurra bero
Jan eta behar zela kondua in gero
Uste ginduen ukaitea zonbeit xifre lerro...
«Jaun Merak dauzkitzue pagatuak oro!»
4
Gauzak hola ikusiz nola ez kontsola
Gure herri osoa bakean dagola
Eskual-herriak beza har etsenplu hola
Herrarik gabe atxik eskualdun odola
Handituz joan dadin eskualdun arbola.
5
Nonbre ederra ginden guk erran dezagun
Gazten artian xaharrak etziren ezagun
Nihaurek entzun ditut mintzatzen bi lagun
Bakean bizitzeko behar dik fededun
Donamartiri hau duk ororen xapeldun.
6
Azken bertsu bat nolaz ez dut erran behar
Gure jaun Mera ona ez otoi barna har
Gure esker biziak ditzazula onhar
gertatzen bazerautzu gure bozen behar
Zureak gare denak gazte ala zahar.