Salbadorez Eiheralarren
Heletatik
1
Udabierrian bazter orotan bada xori eta lore
Horiekilan baserria da airos ta badu omore
Garazi hortan Eiheralarrek izana baitu fagore
Aipatuko dut nola iragan duen kantuz salbatore.
2
Semen kantuz ari delarik trixte ote dago ama
Kantuak emaiten dion poza zuk ez dezakezu asma
Kantari berri haundi batzuek izanikan ere fama
Ez nuen uste hoinbertzedino herri alde zaizken berma.
3
Nere bihotza xoratua zen kantu ta soinuez gaindi
Atsegin goxo eztiagorik ezin baititake seindi
Geroan ere ibiliko naiz kantu bila mendiz-mendi
Dakitalarik nun ote diren Larralde ta Etxamendi.
4
Eskual kantari berriekilan iragan aratsalde on
Donostiako Bakartxo harek ekarri dauku zorion
Hura bezala Labeguerie-ren seme bizi dena Kanbon
Horiekilan luzekiago ere ginitazke egon.
5
Telebixtari so daude batzu dela Footbol edo Rugbi
Ihiztariak maite urtxoak eta hiltzen zonbeit erbi
Bertze batzuek ostatuetan edan drago bat edo bi
Nik aise nahiago dut entzun eskual kantutan Oskarbi
6
Jaun Andereño gaztcño batzu ahal baditut aipatzen
Goresmenak bai hartze dituzte ederki dute kantatzen
Xuberotarrek bezain garbiki dutela xaramelatzen
Etchepare deitzen dirade eta bizi Arberatzen.
7
Bi bertsulari gazte baziren ibilki bertsuen bila
Batek Irigaray du deitura Arrosa hortan dabila
Bertzea aldiz Arrossagaray ez dago ixil ixila
Ez da bertsutan nehoiz galduko Garazi eta Aintzila.
8
Aratsaldea kantu ta bertsu lorietan ginen oro
Gisa hortako pesta goxoendako baita beti aro
Aratsean berriz biltzeko bazen ilar ta zikiro
Eiheralarreri juntaturik bai Aintzila eta Zaro.
9
Bertsu ta kantu zer eskual pesta sanoak eta ederrak
Pesta horien moldatzaileek hartze dituzte eskerrak
Damu haundi da egun horiek bekan dire ta laburrak
Noiz berriz bilduko gaitu Eiheralarreko lurrak.
10
Salbatorek daut bihotza bete gogoa ez hutsik utzi
Barkatu hemen aipatu gabean norbeit badut ahantzi
Bertze bat arte Eiheralarre bai eta ere Garazi
Ez adiorik bainan guzier bihotz erditik goraintzi.