Soldadoaren bizi-moldeaz
Heletarra
1
Soldadoaren bizia nahiz zuer kondatu,
Pertsu hauk hortako ditut bazkal-eta moldatu.
Lau lehen hilabetheak aise ditugu pastu,
Fitsik egin gabetarik ara kasik alfertu:
Halere hemendik landa behar lanari lotu!
2
Algeriako guduak fini-ta zer plazerra!
Nahiz hemen egoiteaz nehor ez alegera!
Alta ba bake-denboran gure griņak zer dira?
Gauza guti egoitea gau beltzari begira:
Guardia enoagarri, bainan nun da lanjera?
3
Denbora galtzea dela dugu denek pentsatzen;
Hortako segur dukete zerbitzua laburtzen.
Hunat orduko killari deika gitzaizko lotzen.
Ikusiz lagun zaharrak etxe-alde partitzen,
Segur ez zaiku kafarra hain errexki ttipitzen.
4
Hobe dugu gogo onez soldado egoitia:
Guretzat ere jinen da partitzeko aldia.
Orduan pena dukegu adixkiden uztia,
Bainan kontent sor-lekurat osorik itzultzia,
Ranpilatzeko ez jinik bihi bati ideia!