Astronotak
Hegoburu, Joanes
1
Itzuli eta itzuli bi ruso astronota
Zeruan ibili dira bi zirtek igorri-ta.
Etchen piztu dutalarik gau batez telebichta,
Popovich-ek keinuņo bat ez dauta eni bota?
2
Leihochka hertsi batean arpegi bat ageri,
Hain goratik beldurtua ez baitzuen iduri.
Halere baso arnoa nik altchatzean hari,
Ez daut bere kaiolatik egin balere irri!
3
Ez da guti espantitu gu ikustearekin,
Aita-amak mahainean gure zazpi haurrekin...
Nork daki ez diogunetz pena izpi bat egin,
Berak utzi etchekoak gogoratzearekin?
4
Edo bertzenaz zitzaion barrandan egon behar,
Burtzoro galgarri batek ez zezan bet-betan har.
Elitake mirakulu, izanik ere ozar!
Teilatutik beretik so, enaiteke ni azkar!