Hazparneko bozak
Hazpandarra
1
Hazparneko herrian kontent da jendia,
Bozetan irabazi dutela auzia:
Kontrariua zuten koleran jarria,
Gezur ainhitz khondatuz ustez zen egia!
2
Aspaldi huntan ez naiz arizan bersutan
Okhasione ederrik ez bainuen bichtan:
Gaitza gertatu zauku aurthengo bozetan,
Espagnolak gelditu muga chaharretan.
3
Eskual herrian aise mintzo da jendia,
Oraino ez baitute denek sinhetsia:
Zombaitek ez badute dena ihetsia,
Arnoa utzi eta edan ur garbia.
4
Zer kontseilu ederra, hoberik ez daite!
Hogoi eta bat gizon eta bi emazte!
Horiek elgarrekin lana in diote.
Kapable ikhusirik hautatu dituzte.
5
Jaun Merarentzat baitut lau lerro oraino:
Hazpandarrentzat ez da hoberik zu baino.
Lagun onekin hola segitzen zireno,
Ordainik ez da jinen zuk utzi artino.
6
Sei bertsu hotan baita ainhitz gauzy barne,
Denek atchik zaitzue beharriak erne:
Gaizki mintzatu banaiz bekhatua ene.
Nahi bainuke gora ikhusi Hazparne!