Lapurtar gazteak Loyolan

Harrizko

 1

 Oi, zer egun gochoa dugun guk pasatu

 Joan den igande hortan gare promenatu.

 Mugaren bertzaldean Españian sartu

 Choko zinez pollita, Loyolan izatu.

 2

 Argitu baino lehen ginen partituak,

 Han heltzean halere hameka arduak.

 Kanpoan jende hainitz ziren han bilduak,

 Elizan sartu eta zauden, choratuak.

 3

 Meza saindua zuen Narbaitz jaun aphezak,

 Zer kantuak zituen aditu elizak,

 Eta zer kharrarekin, Charritton-en botzak

 Inaciori buruz altchatzen bihotzak.

 4

 Gero hango gazteak, gure fagoretan,

 Zango besoak lichto dantza jauzietan.

 Bada usaia hori gure herrietan;

 Berdin Eskualdun ere dira alde hartan.

 5

 Ez nahi bezen laster ginenean jarri...

 Oro arrazoinekin gose-ta egarri,

 Halere nahiago churi baino gorri!

 Elgarrekin gogotik egiteko irri!

 6

 Zalu bisitaturik sainduain etchea,

 Azpeitia-ko eliza ta errabotea,

 Gero errezebitu, azkarrik chedea

 Eskual batasuneko gazten seinalea,

 7

 Eskualduner dezazun athea ideki!

 Konbertitu ondoan bizitu deboki,

 Orai entzun zerutik, gu oihuz kartsuki!

 Eskualduner dezagun athea ideki!