Zortziak bat
Harguindeguy, Dominique
1
Bi pertsu nuzke eman laguneri
Eta partikulazki hemen egoneri;
Elgarrekin badugu, einik zonbait irri:
Goraintzi bizienak nahi tut igorri.
2
Klasak egin ondoan «Orange» hirian,
Algerian badira zonbait aspaldian;
Bertze batzu partitu oraiko aldian:
Elgar orok atzeman dezagun agian!
3
IRUBETAGOYENA, lagun alegera,
Zonbait irri eginik juan Frantzian behera:
Hir'indarrak hilen tik etsaiez leherra;
Holako soldadoez Frantziak dik beharra.
4
Ez dut ez ahantziren DUHAGON tronpeta,
Horek dik hemen egin ha nitz tarrapata;
Bere soinu gochoaz bilduz jende, keta:
Bai gehiago joko duk gerla pastu eta!
5
Urte jada joanik han nunbait Marocan
SARÇABAL-ta ÇUBURU bizitzen Afrikan;
Denbora pasatuz Fez eta Casablancan,
Sekulan ez izanen hor «à l'appel manquants».
6
MICHEL eta JOSEPE, JAKES ta DOMINGO
Lehen biak hemengo, bertze biak juango,
Elgarrekin egiten irri, jauzi frango
Ez jakinez oraino jantzatzen Fandango.
7
Eskual-Herriak ditu bi hitz behechiak:
Izan dadin Eskuadi bethi «Bat zazpiak».
Guk ere eman hitza, hartu ere chediak,
Izaiteko orotan zinez bat zortziak.
8
Elgarren ikustea dugu esperantza:
Armadan ez egiten eder gure gantza,
Ardura janez, «couscous» eta atzar pantza:
Etcherat itzultzea hoi da gure chantza!
9
Ene azken pertsua nahi dut berezi:
Eskualdun gazteriari erranez goraintzi;
Herrian geldituak ez nahi ahantzi,
Bainan soldado denak gehiago merezi.