Hazparneko Bertsularien Eguna
Han zen bat
1
Haparnera joanik izan naiz egun batez Arrosatik
Bertsulari paregabe batzu kantuz entzutea gatik
Dolurik ez daukat bihotzean erran behar dut zergatik
Holako bestak maite ba trtut gauza ororen gainetik.
2
Alde huntako aipatuenak kausitu izan dira hor
Mattin aheztarren ondoan Urepeleko Xalbador
Sujetak izana gatik nahi baizen gaixto eta gogor
Merezi duten apaindura bat emaiten dakite oror.
3
Mugaz hainditik jinak hor ziren Azpillaga Lopateguy
Hoien ikustea gutartean ez dago segur goizegi
Berriz ere plazerrekin nuzke nunbait nik aditu nahi
Ixiltasunean egoiteko aise baitira onegi.
4
Arrossagaray Aintzilekoa ta Iholditik Alkate
Mendiboure heletar hori ez dut hemen utziko aparte
Horiek ere bertsu goxoak dener kantatu dituzte
Beren talendu handiarekin denak harritu gaituzte.
5
Bertsu lan hori ene gostuko baita izigarri zaila
Gazteak zaizte eta horretan baduzue abantaila
Lagun maiteak segi zazute hartua duzuen saila
Eskual herrian ez dadin galdu bertsu ederren uztaila.
6
Loyato ere kantuan ari izan da hantxe bakarrik
Daukan bozarekin hunek ez du batere lagun beharrik
Ikusi dut bai ene bizian segur kantari ederrik
Izan daiteken hoberenari jaun hunek ez duke zorrik.
7
Nola utz aipatu gabe hemen, Carrere-Ospital gazteak
Zer aire eta solas eztiak maitetasunez beteak
Holako ainitz kar dezala Eskual-herri maiteak
Izan diten goxo eta argi heldu zaizkigun urteak.
8
Bertze kantari batzu baziren deitzen direnak «Haizpetik»
Xoragarriki arizan dira bertze guzien artetik
Jaun zerukoa galdetzen dautzut nik bihotzaren barnetik
Grazia hauk berriz entzuteko igortzea zeru gainetik.
9
Agur bero bat igortzen diot orai Michel Itzaina-ri
Eskerrak ere bihurtzen ditut zuk egin duzun lanari
Sujetak ongi eman ditutzu bertsulari bakotxari
Zu bezalako gizon argia ez da kausitzen nun nahi.
10
Hazparneko jende eskualduna ez dut nahi nik ahantzi
Orroitzapen goxo bat duzue zuek ene baitan utzi
Elgar ikusteko esperantzan berriz bihar edo etzi
Bihotz zolatik onhar zazue guziek bila goraintzi.