Tinpla ez dugula izan behar
G.N.
1
- Tinpla, tinpla, zer ari, haiz
Haize arau itzulika?
- Zer ari? Beren iduri
Egin nauten gizoneri
egiten diotet ņika.
2
-Tinpla, tinpla, esker txarra
Zerk eman dauk bihotzera?
- Ipar haizeak emanik,
Hotz gaitza senditzen dut nik,
Gaixtatzen baitu bazterra.
3
Tinpla, tinpla, zer da bada
Diokan bazter gaixtoa?
- Gizonek gazte-ta-zahar,
Bilatuz urhe-ta-zilar,
Idor daukate gogoa.
4
- Tinpla, tinpla, urrunerat
Zer entzuten duk munduan?
- Borrokak ergelen ganik,
Esperantxa loraturik
Zentzu xuxenen artean.
5
- Tinpla, tinpla, sala zadak
Nola xuxen gobernatu?
- Ez izen ene iduri:
Ez har haizea gidari;
Zuk behar duzu manatu.