Amodioa gauza ederra
G.L.
1
Amodioa gauza ederra denentzat altxagarria
Gizon emazten bihotz barnean dagon maita egarria
Ezin ditaike nolanai aipa hain baita zoragarria
Guziz garbia badagolarik beti da maitagarria
Zu ez bazina bizia laike luze ta etsigarria.
2
Amodioaz gaizki mintzatuz ez nuke segur ohore
Maiteņo batek eman baiteraut bihotz barnean amore
Emazterikan ez den etxean orai ez eta gero-re
Ez dut ikusten amodiorik eztitasun ez omore
Bizi huntako arrantzeeri harek damaiote lore.
3
Oi! artizarra baita zeruan izarretan argiena
Ene maitea gertatua zait anderetan garbiena
Enetzat zira paregabea, eztietan eztiena
Ene gogoan sartua zira ta bihotzean barrena
Zu maitatzeak hau atsegina ni baitara dakarrena!
4
Amodioan plazer batentzat milaka omen dolore
Halarik ere maitasunari ez dut izan nai traidore
Gauza batzuek baldin badute lur huntan ainitz balore
Maitasunak du askoz geiago orai dut erran tenore
Aita ameri haurren hazteko hak damaiote podore.
5
Zonbait alditan ikusten denaz nor ez ote laike izi?
Aita et'amek seme alabak gaizki baidituzte hazi
Mundu hunetan nahi baduzu elgarrekin ongi bizi
Gure buruak behar ditugu maitasun onean hezi
Bertze munduan dezagun denek goi-zoriona merezi.
