Euskaldun desterratua

Guilbeau, Martin

 Errepika

 Sprt-herria!

 Lur maitia!

 Sekulan

 Bizian

 Ezin ahantzia.

 1

 Triste jarria desterruan

 Orai noa kantatzera

 Zer dudan maite mundu

 huntan

 Dolu-minez erraitera.

 2

 Adios, adios, mendi ederrak

 Nihor parerik gabeak

 Adios, adios ibai bazterrak

 Eta oiharzun emeak!

 3

 Adios, Lapurdiko alorrak!

 Adios, ene amoreak!

 Adios, adios, en'herritarrak!

 Adios, aitama maiteak!

 4

 Denbora iragan ondoan,

 Orai dut, orai, ikusten

 Ez dela herria sekulan

 Ez nehoiz aski prezatzen.

 5

 Guti nauk guti hitaz goza

 Oi lur adoragarria

 Hire minez ene bihotza

 Urtzen ari duk guzia.

 6

 Hire oroitzapen saminak

 Tristatu naik sekulako,

 Zeren ditudan maiterenak

 Hor utzi sortu orduko.

 7

 Oi zerua zoinen eder den

 Iparra garbi denean

 Eta zoinen den goibel arren

 Mendebal hedoi denean!

 8

 Hala-hala ene urteak

 Hain lehen eder zirenak!

 Hi begietarik galtzeak

 Ilun-arazitik denak!

 9

 Helas! hi ganik urrundua,

 Oi herri hainitz ederra!

 Bihotz mineraino zaurtua

 Ixurtzen diat nigarra!

 10

 Hala nola du arrantzeak

 Zauri minena gaixtatzen,

 Hala du ene doloreak

 Bihotzean ihardesten.

 11

 Ezin sobera maitatuzko

 Haran benedikatua,

 Hire ganik noiz arteraino

 Izanen nauk urrundua?

 12

 Lur atzean laster da histen

 Lore ederren botea

 Hasi orduko birlandatzen

 Hala da histu enea.

 13

 Zoinen garratz den desterruan

 Orai dut orai ikusten

 Ez dut, ez dut uste munduan

 Min dorpeagorik baden!